Японы Ерөнхий сайд Шинзо Абэ энэ долоо хоногийн сүүлээр парламентыг тарааж, хугацаанаас нь өмнө сонгууль зарлаж магадгүй болоод байгаа тухай мэдэгдсэн байна.

Тэрээр хоёр жилийн өмнө сонгогдохдоо эдийн засгийг дахин сэргээнэ хэмээн найдаж байсан ч талаар болжээ. Ийнхүү парламентыг тараах тухай яригдаж эхэлснээр худалдааны татварын шинэчилсэн хуулийн төслийг батлахаа хойшлуулахаар шийдлээ. Учир нь Япон улсын эдийн засаг хоёр улирал дараалан буурсан үзүүлэлттэй гарсан байна. Долоодугаар сараас есдүгээр сарын хооронд тус улсын эдийн засаг 1.6 хувиар буурсан бол энэ үзүүлэлт энэ долоо хоногийн байдлаар 2.2 хувь болтлоо өсчээ.
    Шинзо Абегийн хамаардаг Либерал Ардчилсан нам доод танхимд олонхийн суудлыг эзэлдэг. Гэхдээ тэрээр сөрөг хүчний намтай эрх мэдлээ хуваалцах зорилготой байгаа гэж шинжээчид үзжээ. Ингэснээр хүсч байсан эдийн засгийн шинэчлэлээ хэрэгжүүлж, олон нийтээс дэмжлэг хүлээх бооломжтой ажээ.

“Би ард иргэдийнхээ дуу хоолойг сонсмоор байна. Хэрэв манай нам олонхи байхаа боливол Абегийн эдийн засгийн шинэчлэл хэрэгжээгүй гэсэн үг учраас би огцорно” гэж тэр мэдэгдсэн байна. Хэрэв Абе огцорвол Японы улс төрд эмх замбараагүй байдал үүсэх магадлалтай гэж ахмад зөвлөх Томохико Танигучи ярьжээ. Японы ерөнхий сайдууд нэг жил болоод өөрчлөгддөг байсан гашуун сургамж бий.