Хойд Солонгосын нийслэл Пхеньянд НҮБ-ын Хүний эрхийн мэдэгдлийг эсэргүүцсэн жагсаал болжээ. Ким Ир Сений талбайд цугларсан олон мянган тэмцэгчид шүүмжлэлд өртсөн удирдагчдаа өмөөрсөн уриа лоозон барьсан байжээ. Иймэрхүү жагсаалуудыг Засгийн газрын захиалгаар зохион байгуулж, дарга нарын үзэл бодлын дуу хоолой болохыг шаарддаг гэнэ.
Хойд Солонгосын удирдагч Ким Чен Уныг ард иргэдээ тамлан зовоосон хэргээр буруутгаж, Гааг дахь Олон улсын шүүхэд дуудах асуудлаар НҮБ-ын Аюулгүйн зөвлөлийн хуралдаанаар хэлэлцсэн юм. Харин Коммунист эрх баригчид дээрх тайланг улс орноосоо урван тэрсэлсэн хүмүүсийн утгагүй ярианд үндэслэсэн хий хоосон зүйл гэж үзэж байна.