Чернобелийн хориотой бүсэд 100 жилийн дараа бор баавгай болон бусад зэрлэг амьтад үзэгдсэн гэж судлаачид мэдэгдэв. Салфордын их сургуулийн судлаачдын суурилуулсан нууц дуран Орос, Хятад, Канад, Аляскын нэн ховор амьтад Чернобельд амьдарч буйг илрүүлжээ. Мөн Европын хараацай, Евроазийн шилүүс, бор гөрөөс зэрэг амьтад хориотой бүсэд амьдарч буйг тогтоосон байна.
    1986 оны дөрөвдүгээр сарын 26-нд Украины Чернобелийн Атомын цахилгаан станц дэлбэрч, цацраг идэвхит бодис асгарсаны дараа 110 мянган хүнийг гамшгийн бүсээс яаралтай нүүлгэн шилжүүлсэн юм. Мөн 30 км радиуст хориотой бүс тогтоосон байна. Өнөөдөр энэ аюултай газар зэрлэг амьтад эргэн ирсэн нь цөмийн хор хөнөөл арилж буйг гэрчилнэ гэж судлаачид дүгнэжээ. Сонирхуулахад, энд Чернобелийн гамшиг болохоос ч өмнө баавгай үзэгдэхээ больсон гэнэ.