АНУ-ын Канзас мужид газар доор байрлах 15 давхар тансаг байгууламж бий. Тахалт өвчин тархаж, байгалийн гамшиг нүүрлэж, цөмийн зэвсгийн халдлага гарсан үед энэ байгууламжид хоргодвол амьд үлдэх магадлалтай гэнэ. Пуужингаас хамгаалах энэ цамхгийг 1960-аад онд Америкийн армийн инженерүүд зохион бүтээжээ. Хана нь 2,7 метр өргөнтэй учир 500 mph хурдтай салхи, шуурганаас хамгаалж чадах юм.
Өнөөдөр энэ газрыг театр, усан сан, номын сантай болгон тохижуулж, билльярдны ширээ, телевизор суурилуулсан байна. 2001 оны ихэр цамхгийн халдлагаас хойш иймэрхүү байгууламжийг босгох төсөл хэд хэдэн газар хэрэгжиж эхэлжээ. Харин уг байгууламжийг Коннектикут мужид төвтэй тамхины компани 12 сая ам.доллараар худалдан авч эзэмших болсон гэнэ. Эндхийн тусгай хамгаалагчид эздээ байнга дагаж, 640 км-ийн зайтай орших нисэх онгоцны буудалд хүргэж өгдөг байна.
