Фергюсон хотын хэрэг намжиж амжаагүй байтал Нью-Йорк хотын шүүхээс хар арьст залууг үхэлд хүргэсэн цагаан арьст цагдаад шийтгэл оногдуулахгүй байх шийдвэр гаргажээ. Энэ хэргийг шударга бусаар шийдсэн хэмээн эсэргүүцсэн хүмүүс Нью-Йорк хотноо жагсаал хийж, цагдаа нартай мөргөлдсөн байна. Жагсагчид гудамж, талбайг бүслэн хаасан тул цагдаа нар 30 хүнийг баривчлаад байгаа ажээ.
    Дээрх хэрэг өнгөрсөн долдугаар сард гарсан бөгөөд хар арьст Эрик Гарнер гэгч эрэгтэй Нью-Йорк хотын гудамжинд хууль зөрчин тамхи ширхэглэн зардаг байсан аж. Тэрээр цагдаа нартай муудалцаж, баривчлах гэхэд нь эсэргүүцэл үзүүлээд боолгож амь насаа алджээ.