“Bloodhound SSC” хэмээх өндөр технологийн бүтээгдэхүүнийг инженер Энди Гринээр ахлуулсан багийнхан зохион бүтээж байна. Цагт 1600 км хурдлах чадалтай, дуунаас хурдан автомашиныг 2016 он гэхэд Өмнөд Африкт хэрэглээнд нэвтрүүлэхээр төлөвлөжээ.
Машиныг титан, карбон файбер ашиглан бүтээжээ. Салхинаас ч хурдан энэ машин түүхийн хуудсыг шинээр эхлүүлнэ гэж эрдэмтэд үзэж байна. Машин үндсэндээ бэлэн болсон бөгөөд зорчигчдын аюулгүй байдлыг хангахын тулд туршилтыг үргэлжлүүлэх шаардлагатай байгаа ажээ.
8,9 метр урттай уг автомашины хөнгөн цагаан дугуйн дээр резинэн жийргэвч хийгээгүй гэнэ. Учир нь машин 450mph-с илүү хурдлахад жийргэвч гээгдэх магадлалтай гэж ахлагч Энди Грин ярьж байна.
Уг дэвшилтэт бүтээл нь гурван хөдөлгүүртэй, 135 мянган морины чадалтай. 1600 км цаг хурдлахын тулд хөдөлгөгч хүчийг найдвартай ажиллуулах зөөгч пуужинг суурилуулжээ.
Жолоочийн аюулгүй байдлыг хангахын тулд бүхээгийг доргилтоос хамгаалж өгсөн байна.
Их Британид төвтэй төслийн багийнхан дуунаас хурдан автомашины төсөл дээр бараг 10 жил ажиллаж байна. Тэдний бүтээл 3,6 секундэд 1600 км газар эргэлт хийх чадвартай.
Байлдааны онгоцны нисэгчээр ажиллаж байсан Энди Грин ирээдүй хойч үедээ технологийн гайхамшгийг үлдээхийг хүсдэг гэнэ.