Украины төв хэсэгт орших Винница мужийн 5000 орчим иргэн гудамжинд жагсан Иргэдийн төлөөлөгчдийн хурлыг огцруулахыг шаардаж байна. Жагсагчид Украины Ерөнхийлөгч Пётр Порошенкогийн төрөлх хот Винницагийн төв талбайг бүсэлж, гудамж талбайг хаажээ. Энэ сарын 6-7-ны өдрүүдэд 400 орчим нийгмийн зүтгэлтэн мужийн амбан захирагч Анатолий Олейникийг огцруулахыг шаардан загсахад найман цагдаагийн ажилтан шархадсан бөгөөд уг хэргийн үнэн мөнийг олж өгөхийг дээрх тэмцэгчид хүсч байна.
    Олейник нь Украины өмнөх ерөнхийлөгч Виктор Януковичийн ойрын хүн ажээ. Украины улс төр судлаач, сэтгүүлч Владимир Скачкогийн хэлж буйгаар Винницад Киевийн шинэ эрх баригчдын явуулж буй үйл ажиллагаанд сэтгэл дундуур хүн цөөнгүй байгаа тул Майданы талбайд болсон шиг тэмцэл өрнөж магадгүй гэнэ. 350 мянган хүн амтай тус хотод Айдар Батальон орж ирсэн гэж эх сурвалжууд мэдээлж байна. Энэ батальон нь зүүн хязгаарын Луганск мужид дээрэм, хулгай зэрэг хууль бус үйл ажиллагаа явуулдагаараа алдартай юм.