Германы зүүн хэсэгт орших Дресден хотод Лалын шашны хуулийг эсэргүүцсэн хөдөлгөөнд 10 мянга орчим хүн оролцож байна. Жагсагчид “Германд шариатын хууль үйлчлэх ёсгүй” гэсэн уриа лоозон барин хашгиралджээ. 2014 онд Германд цагаачлалын асуудал хурцаар тавигдаж, олон нийтийн дунд шүүмжлэл өрнөж байна. Германчууд Ирак, Сирийн цагаачдыг бусад улсаас олон тоогоор хүлээн авсан юм. Тухайлбал, 2013 онд 127 мянган цагаачдыг хүлээж авсан бол энэ тоо 2014 онд 200 мянга болж өсчээ.
Цагаачид хэт олшрох нь лалын шашны хэт даврагчдыг ихэсгэх магадлалтай гэж жагсагчид шүүмжилж байна. “Би тэтгэврийн хүн. Миний тэтгэврийн хэдэн төгрөгийг яагаад орогнол хүсэгчдэд зориулах ёстой гэж? Хэн ч надад хариулахгүй байна!" хэмээн нэгэн өндөр настан ярьжээ. Дресден хотын эсэргүүцэл хөдөлгөөнд оролцохоор 80 км зам туулсан энэ хүн өөрийгөө Нацист ч биш, Баруун Жигүүрийнхэн ч биш, зүгээр улс орныхоо төлөө санаа зовсон эмээ байна гэж тодорхойлсон юм.
Сэтгэгдэл (2)