Нигерийн хэт даврагч “Боко Харам” бүлэглэлийн дайчид Борно мужаас холгүй байрлах Майдугари тосгонд халдлага үйлдэж, 185 эмэгтэйг хулгайлж, 32 хүний аминд хүрчээ.  Тус бүлэглэлийн тэргүүн Абубакар Шебау “Бидэнтэй тулалдаагүй хэмээн цаазын ял авсан цэргүүдийн төлөө дээрх эмэгтэйчүүдийг хулгайллаа” гэжээ. Тосгонд бензин асгаж, байшин барилгуудыг шатаасны дараа эмэгтэйчүүдийг нь ачааны машинд суулган авч явсан гэнэ.
    НҮБ-ын Эмэгтэйчүүдийн холбооны тайланд дурьдсанаар “Хэт даврагчид энэ онд 12-20 насны 800 орчим охин хулгайлсан” гэжээ.