БНХАУ-ын өмнөд хэсэгт байрлах Гуандан мужийн цагдаагийн газар хоёр сарын ажиллагааны явцад мөрийтэй тоглоом тоглосон болон порно үзсэн хэргээр 30 мянга гаруй хүнийг баривчилжээ. Мөн өнгөрсөн 11-р сарын 24-нд онлайнаар мөрийтэй тоглож байсан этгээдүүдийг газар дээр нь барьсан ажээ.

Түүнчлэн саатуулагдсан хүмүүсийн дунд Хойжоу хотод мөрийтэй тоглоом зохион байгуулагч бүлэглэл байсан нь илэрсэн юм. Тэдний үйл ажиллагааны эргэлт нь 30 сая юань байсныг мөрдөн шалгах ажиллагааны явцад тогтоов. Мөрийтэй тоглоом 1949 оноос хойш БНХАУ-д хууль бус гэж тооцогддог болсон юм.
Энэ оны эхээр Донггуанд үүнтэй төстэй мөрдлөг явуулж 3000 гаруй биеэ үнэлэгчийг илрүүлж, хууль бус зочид буудлуудыг хаажээ.