“YouTube” сувагт 711 мянган дагагчтай Жог Палер Лин нэгэн сонирхолтой бичлэг хийснийг 10 сая хүн үзжээ. Лин хотын гудамжаар сэлгүүцэх орон гэргүй хүн болох Томаст 100 доллар хандивлаж, энэ мөнгийг юунд зарцуулахыг нь нууцаар тандсан байна. Томас мөнгийг авмагцаа дэлгүүр орж, шингэн зүйл худалдан авч байгаа нь камерын дуранд буужээ. Дараа нь тэр хүнс худалдан авч, бусад орон гэргүй хүмүүст тарааж өгсөн байна.
    Томасын сайхан сэтгэлийг биширсэн Лин интернэт сүлжээнд хандивын аян өрнүүлж, 50 мянган доллар цуглуулжээ. Энэ мөнгөөр Томасын амьдралыг хангалттай өөрчилж чадна. “Миний зүрх зүсэгдэх шахсан шүү. Хүмүүс намайг Томасын амьдралыг өөрчилсөн гэж бодож байгаа байх. Харин миний хувьд тэс ондоо. Тэр миний амьдралыг өөрчилсөн” хэмээн Лин ярьжээ. Томас нь өвчтэй эцэг, эхээ асрахын тулд ажлаасаа гарч, байшингаа зарсан нэгэн ажээ. Гэвч эцэг, эх нь нас барсаны дараа байшингүй болсон тэрээр дөрвөн сар гудамжинд амьдарч байсан гэнэ.