Сураггүй болоод буй “Air Asia” компанийн “QZ8501” онгоцыг алан хядагчид барьцаалсан байж магадгүй гэж Австралийн талаас мэдээлсэн байна. Учир нь тус онгоцонд суусан зорчигчдын дунд лалын шашинтай хоёр хүн байсан гэж Индонезийн талаас мэдэгджээ. Харин Индонезийн Тээврийн яамнаас “Тэднийг хэт даврагч, эсвэл ямар нэгэн бүлэглэлийн гишүүн эсэхийг тодруулаагүй байна” гэж мэдээлэв. Онгоц сураггүй алга болоод найман цагийг өнгөрөөд байна. Одоогоор уг онгоцонд байгаа зорчигчдын ар гэрийнхэн нь ямар нэгэн мэдээлэл ирэхийг сэтгэл түгшин хүлээж сууна. Мөн алга болсон онгоцыг хайх ажиллагаанд Австралийн тал туслалцаа үзүүлэхээр болжээ.