Францад энэ шинэ жилийн баяраар 940 автомашин шатсан нь өмнөх оныхоос 12 хувиар буурсан үзүүлэлт гэж Дотоод яамнаас мэдээлэв. 2014 онд 1067 автомашин шатаж байжээ. Шинэ жилийн баяраар машин шатсан дуудлага их ирдэг нь Засгийн газрын бодлогыг эсэргүүцэгч хэт үндсэрхэг үзэлтнүүдийн бусармаг үйлдэл гэж хуулийн байгууллагынхан танилцуулсан ч нутгийн иргэд үндэсний хачирхалтай уламжлалтай холбон тайлбарладаг. Өнгөрсөн онд гэхэд галын наадам хийсний улмаас гурван хүн түлэгдэж нас барсан юм. Тиймээс энэ шинэ жилийн баяраар Парис хотод 55 мянган цагдаа, 38 мянган гал сөнөөгч ажилласан байна.