Энэтхэгийн Бихар мужийн нийслэл Патна хотоос 130 км-ийн зайтай орших Бод Гаяа суурингийн Буддын шашны мөргөлчдийн төвд 22 настай Японы судлаач эмэгтэйг хүчиндсэн хэрэг гарчээ. Цагдаа нар энэ хэрэгт холбоотой гурван сэжигтэнг баривчилж, мөрдөн байцаалтыг үргэлжлүүлж байна. Япон эмэгтэй Энэтхэгийн хөдөө нутгийн амьдралыг судлахаар ирсэн байжээ. Түүнийг нэгэн хөтөч, оруулагч дагуулан явж сүмийг үзүүлсэн бөгөөд дөрвөн хүн хүчингийн хэргийг үйлдсэн гэж мэдүүлэгт дурдсан аж.
Энэтхэгт нийгмийг сэрдхийлгэсэн харгис хэргүүд тасралтгүй гарч, хүчингийн эсрэг хуулийг өөрчлөхөөр яригдаад байгаа юм. Тус улсын хуулиар эмэгтэйчүүдийг наймаалж, хүчирхийлэн, бэлгийн гаж зуршлаа хангасан тохиолдолд 20 жилээс дээш хугацаагаар хорих ялаар шийтгэдэг. Гэвч хууль хяналтын байгууллагынхан хэргийг нуун дарагдуулсаар байгаа нь улам өөгшүүлэхэд хүргэж байна.