Тайландын ерөнхий сайд асан Инглак Шинаватраг эрх мэдлээ урвуулан ашигласан хэргээр албан тушаалаас нь буулгаж, засгийн эрхийг цэргийнхэн авсан билээ. Албаныхан түүнийг цагаан будааны татаасаар дамжуулан их хэмжээний нөөц хуримтлуулж, Тайландын экспортод сөрөг нөлөө үзүүлсэн. Мөн түүгээрээ дамжуулан авлига хээл хахууль авсан гэж үзжээ.

Шинаватра гэмт буруутай нь тогтоогдвол улс төрд оролцох эрхээ таван жилийн хугацаатай хасуулна. Тайландын Үндэсний авлигатай тэмцэх хорооныхон эл хэргийг сайтар шалгаж, хангалттай хэмжээний нотлох баримт цуглуулсан гэнэ. Гэхдээ тус байгууллагын зүгээс хатагтай Шинаватрагийн эсрэг эрүү үүсгэх эсэх нь одоогоор бүрхэг байна.