Вашингтоны Үндэсний эрүүл мэндийн хүрээлэн архинаас гаргах эмчилгээг сонирхолтой хэлбэрээр явуулдаг. Энд орж ирсэн хүмүүс эмнэлэг биш, архи зардаг лангуу гэж андуурах нь бий. Гэвч үнэн хэрэгтээ архины шилийг будагтай усаар дүүргэсэн нь энэ юм. Ийм хуурамч баар эмчилгээнд өндөр үр дүнтэй гэдгийг нотолсон гэнэ.
“Бодит мэт орчин үүсгэснээр өвчтнүүд өөрсдийгөө хянахад маш хүнд болдог. Гэвч хорт зуршлаасаа салахын тулд эхлээд тархиндаа архины тухай төсөөлөн бодохоо болих хэрэгтэй. Тиймээс хуурамч архийг эмчлүүлэгчдийн нүдэнд байнга харагдуулж, уух хүслийг нь бууруулдаг” хэмээн төслийн удирдагч, доктор Лорензо Леггио ярьж байна. Тэрбээр грелин хэмээх нэртэй өвөрмөц гормон агуулсан эмийг зохион бүтээсэн нь архины эсрэг эмчилгээнд үр дүнгээ өгч эхэлжээ. Энэ эм нь хоол идэх дуршлыг нэмэгдүүлж, архи уух сонирхлыг бууруулдаг байна.
АНУ-д 17 сая хүн архинаас хамааралтай амьдарч байгаагийн цөөн хувь нь эмчилгээнд хамрагддаг ажээ.
