10 долларын үнэтэй, капсул доторх энэ нууцлаг нунтагийг хар тамхины наймаачид найрлагыг нь мэдэгдэлгүйгээр тараадаг. Жинхэнэ наймаачин хэн ч болов ийм үнээр зардаггүй. Моли нь экстаси гэдэг нэрээр хэрэглэгддэг хар тамхины нэгэн төрөл. Медамфетамин буюу хурдан үйлчилж, удаан мансуурдаг бодисыг “тина” гэдэг товчилсон нэрээр зах зээлд гаргах нь түгээмэл бол, моли хэмээх эгдүүтэй охины нэртэй экстаси нь шинэ залуу үеийнхний дунд сайн зарагддаг байна. Хэрэглэгчдийн ихэнх нь молиг цэвэр хар тамхины нэг хэлбэр (эм, нунтаг, капсул) гэж боддог ажээ.
Гэвч тэд хар тамхины наймаачдын MDMA-г синтетик кадинонес буюу ваннын давсаар орлуулж байгааг мэдэлгүйгээр худалдан авч, өөрийгөө аз жаргалтай болгож байна гэж андуурч байна. Яагаад гэвэл энэ нь худалдаж авахад хялбар төдийгүй, хямд байдаг юм. Цэвэр моли нэг грамм нь 120 долларын үнэтэй худалдаанд гардаг. Тэгвэл, сүүлийн хоёр жилд Америкийн хүүхэд залуус хямд үнэтэй хуурамч молиг хэрэглэж хордох болжээ.
2013 онд, Нью Хампширийн их сургуулийн 20 настай Оливиа Ротондо хэмээх эмэгтэй оюутан өвдөж, Метрополитан эмнэлэгт хүргэгдэж ирэнгүүтээ нас барсан юм. “New York Post” сонинд түүнийг нас барахаасаа өмнө моли худалдаж авсан талаар дурджээ.
Сэтгэгдэл (2)