Хятадад 1970-аад оноос хойш нэг хүүхдийн бодлого хэрэгжүүлж эхэлсний гайгаар хүйсийн тэгш харьцаа алдагдсан билээ. Тус улсад 2020 он гэхэд эрчүүдийн тоо эмэгтэйчүүдийнхээс 24 саяар давж, гэр бүлийн харилцаанд ноцтойгоор нөлөөлнө гэдгийг статистик судалгааны дүн харуулж байна.

    Хөдөө тосгоноос Бээжинд суурьшин ажиллаж буй Лин Донгмин өөрийн гэсэн үл хөдлөх хөрөнгөгүй, тогоочийн цалингаар амьдардаг учир эхнэртэй болно гэдэг том бэрхшээл юм. Тэрээр ирээдүйн эхнэрээ олохын тулд “Хайрын ангуучид” нэртэй сайн дурын багийнханд мөнгө төлж, зуучлуулж байгаа ажээ. Энэ мэтчлэн Хятад эрчүүд эхнэр хайж явсаар хожуу гэрлэх нь түгээмэл гэнэ.