Египетийн цагдаа нар Фэйсбүүк хуудасныхаа статус дээр өөрийгөө “шашингүй үзэлтэн” гэж зарласан 21 настай оюутан Карим Ашраф Мохаммедыг саатуулжээ. Шүүхээс түүнийг лалыг шашныг доромжилсон хэмээн буруутгаж, гурван жил шоронд хорих шийдвэрийг гаргаад байна. Энэ бол шашин шүтээгүйнхээ төлөө хоригдож буй анхны тохиолдол биш юм. 2013 онд Египетэд Шериф Габер Азим хэмээх оюутныг Фэйсбүүк хуудсанд “шашингүй үзэлтнүүд” гэдэг групп үүсгэсний төлөө 15 хоног саатуулж байв. Мөн 2012 онд блогч Албер Сабер Фэйсбүүк постоос болж гурван жилийн ял сонссон ч олон нийтийн дэмжлэгтэйгээр удалгүй суллагдсан юм.

Өнгөрсөн наймдугаар сард Египетийн Шашны сан, соёлын яамнаас лалын шашинд үл итгэгсэд болон хэт шүтэгсдийн аль алиных нь харилцааг зохицуулсан хууль баталжээ. Тус улсын хууль тогтоомжийн дийлэнх хувь нь лалын шариатын хуулийн зарчимд нийцсэн байдаг. Египетийн Засгийн газрын шашны асуудал эрхэлсэн Дар Аль-Ифта агентлагаас явуулсан судалгаагаар 87 сая хүн амынх нь 0,001 хувь нь шашингүй үзэлтэн гэнэ.