Хятадын цагдаа нар муудсан утсан мах болон өвчтэй гахай нийлүүлж байсан хэрэгт холбоотой 110 гаруй сэжигтнийг саатуулаад байна. Үүнд мэргэжлийн хяналтын газрын ажилтнуудыг ч хахууль авсан хэргээр баривчлаад байгаа ажээ.
    Тус улсын Нийгмийг аюулаас хамгаалах яам өвчнөөр үхсэн гахайнуудыг 2008 оноос хойш фермүүдэд хямд үнээр нийлүүлж байсан сүлжээг илрүүлсэн юм. Уг чанаргүй махыг 11 мужид нийлүүлсэн нь тогтоогдож, Хятадын хүнсний аюулгүй байдлын стандартад олон нийт санаа зовоход хүргэлээ. Цагдаа нар 1000 гаруй тонн чанаргүй гахайн мах хурааж авсаны дийлэнхийг нь тосонд буцалгаж, боловсруулсан байжээ.