Францын “Charlie Hebdo” шог сэтгүүл редакцийн 10 ажилтнаа алдсаныхаа дараа террористуудаас айхгүй гэдгээ мэдэгдэж, зөнч Мухаммедийг шүүмжилсэн сүүлийн дугаараа 3 сая хувь хэвлэхээ мэдэгдсэн билээ. Хэдийгээр сэтгүүлийн ажилтнуудыг дэмжиж буйгаа Францын сая гаруй хүн илэрхийлж, жагсаал цуглаан зохион байгуулсан ч лалын шашинтнууд заналхийлсэн хэвээр байна. Тодруулбал, Египетийн лалын шашны тэргүүнүүд сая сая хүний бишрэн шүтдэг зөнч Мухаммедын зургийг хэвлүүлэхгүй байх бүх талын арга хэмжээнүүдийг авна гэдгээ мэдэгджээ. Мөн лалын шашинтнуудын итгэл үнэмшил рүү халдсаар байвал бөмбөг дэлбэлнэ гэдгийг анхааруулсан байна.