Их Британийн иргэн, 10 сартай Жуанита Валентина Хернандез 20 кг жинтэй. Үеийн хүүхдүүдээсээ хоёр дахин их жинтэй охин яагаад ингэтлээ таргалсныг ээж Сандра Фрэнко тайлбарлаж чадахгүй байна. Валентина охин жин багатай төрсөн хэдий ч удалгүй огцом таргалж эхэлжээ. Сүүлийн жилүүдэд Британид нярай хүүхдүүдийн хэт таргалалт тулгамдсан асуудал болж байна. Өнгөрсөн онд 41 кг жинтэй Майра Кайседо охинд туслах аян өрнүүлж байв.
“Колумб, Их Британид хэдэн мянган хүүхэд хэт таргалалтаас болж шаналж байна. Хүүхдүүдийн биеийн жинг хянахгүй бол зүрх, судсаар өвдөх эрсдэлтэй. Ээжүүд хүүхдүүдээ өвтгөхийг хүсэхгүй байгаа бол зөв хооллох хэрэгтэй” гэж эмч Сальвадор Паласио Гонсалес ярьжээ.