Японы Засгийн газар 70 жилийн түүхэнд байгаагүй өндөр Батлан хамгаалахын төсөв санаачилж, Үндсэн хуулиар баталгаажуулсан энхийг эрхэмлэх үзэл санаанд харшлахад хүрээд байна. Тус улсын эдийн засгийн өсөлт саарч байгаа энэ үед цэргийн зардлыг өндрөөр төсөвлөсөн нь олон нийтээс шүүмжлэл хүлээж эхэллээ.Шинзо Абегийн кабинет 96,3 триллион иен буюу 814 тэрбум долларын цэргийн төсөв санаачилж, парламентаар батлуулахаар оролдож байна. “Энэ төсвийг баталсанаар эдийн засгаа сэргээж, санхүүгийн жилийн орлогоо нэмэгдүүлэх хоёр талын ач холбогдолтой гэж Абе тайлбарлав. Тэрбээр 24,7 триллион иений зардлаар 2014-2019 оны хооронд газар, уснаа явагч танк, нисэгчгүй байлдааны онгоц, байлдааны онгоц, шумбагч хөлөг зэрэг цэргийн техник худалдан авахаар төлөвлөжээ.
Японы цэргийн салбарын худалдан авалтын дийлэнх хувийг Америкт үйлдвэрлэсэн байлдааны техник эзэлдэг. Тиймээс F-35A байлдааны онгоцыг 148 сая доллараар, Америкт үйлдвэрлэсэн Bell Boeing V-22 онгоцыг тус бүрийг нь 68 сая доллараар худалдан авах юм байна. Мөн үлдэгдэл зардлаар нь дотооддоо техник үйлдвэрлэх гэнэ.
Өмнөд Хятадын тэнгистэй холбоотой газар нутгийн маргаан даамжирч, Япон-Хятадын харилцаа таагүй байгаа энэ үед Токио цэргийн зардлаа нэмэгдүүлж байна.
Сэтгэгдэл (4)