Германы канцлер Ангела Меркель ирэх зургадугаар сард зохион байгуулагдах "Их долоо"-гийн уулзалтад ОХУ-ын ерөнхийлөгч Владимир Путиныг урихгүй гэдгээ мэдэгджээ. Тэрээр "Энэхүү уулзалтаар ОХУ-д тавьсан хориг арга хэмжээнүүдийг цуцлах эсэхийг хэлэлцэнэ. Европын холбооны одоогоор хоригийг цуцлахгүй гэсэн байр суурьтай байгаа" хэмээн ярьсан байна.

    А.Меркель "Их долоо" улс орны үнэт зүйлс, эрх ашгийг дээдэлдэг холбоо хэмээн өдийг хүртэл явж ирсэн. Гэхдээ Украины зүүн бүс нутаг дахь хямралтай холбогдуулан ОХУ олон улсын хууль эрх зүйг бүдүүлгээр зөрчсөн гэжээ.

Эргэн сануулахад, Крым ОХУ-ын бүрэлдэхүүн хэсэгт нэгдэн орсны дараа буюу өнгөрсөн оны гуравдугаар сард Оросыг “Их найм”-ын гишүүнчлэлийг хасах шийдвэр гаргасан юм.