Украины Засгийн газар салан тусгаарлагчдын эсрэг тэмцлээ эрчимжүүлсэн учир Донецкийн тулаан ширүүсч эхэллээ. Донецкийн нисэх буудлыг армийн цэргүүд буцааж хяналтандаа авчээ. “Бид Украины алга дарам газар нутгийг ч бусдад өгөхгүй” гэж ерөнхийлөгч Пётр Порошенко мэдэгдсэн байна.

Засгийн газрын цэргүүд салан тусгаарлагчдын байрлалуудыг онилж, их буугаар зэвсэглэж байхад босогчдын тэргүүн Александр Захарченко “Киев дайныг дахин эхлүүлэхийг завдлаа” хэмээн буруутгав. Талууд Минск хотноо болсон уулзалтаар гал зогсоо гэрээ байгуулсан ч тэмцэлдсэн хэвээр байна. Сүүлийн хэдэн өдрийн дотор харилцан гал нээсний улмаас хэд хэдэн хүн амиа алджээ. Энэ хооронд нийслэл Киевд хот хоорондын зорчигч тээврийн автобус пуужингийн довтолгоонд өртөж, 13 хүний аминд хүрсэнийг эсэргүүцэн хэдэн мянган хүн жагсаж байна.

Украины арми салан тусгаарлагчдад тусалдаг Оросын байнгын 8500 цэрэг байгаа гэж үздэг. Гэвч Оросууд үүнийг хэзээ ч хүлээн зөвшөөрдөггүй юм.