"Skellie" нэртэй араг яс 150 мянган дагагчтайгаар Инстаграм хуудасны жинхэнэ алдартан боллоо. Тэрээр "Starbucks" сүлжээгээр зугаалж кофе уух, нүүрээ будаж сельфи авах, шүдний эмнэлэгт очих, халуун ваннд суух зэрэг өдөр тутмын бүхий л амьдралаа цахим хэрэглэгчидтай хуваалцдаг байна. Мөн хэрэглэгчдэд онигоо, шог яриа танилцуулдаг ажээ.

Торонтод төвтэй вэб сайтын маркетингийн компани уг араг ясны дүрээр хэрэглэгчидтэй мэдээлэл солилцдог гэнэ. "Өнгөрсөн аравдугаар сарын эхээр бид хуванцар араг ясыг компанийнхаа нүүр царайгаар сонгосон. Хамт олон маань араг ясаар дамжуулан мэдээлэл солилцдог" хэмээн менежер Дана Херлихи ярьжээ.