Давосын эдийн засгийн чуулган дээр Украины ерөнхийлөгч Петр Порошенко Оросын бодлогыг эрс зэмлэн буруушаав. Украины газар нутагт Оросын 9000 цэргээс гадна танк, их буу зэрэг хүнд зэвсэг байгаа гэдгийг Порошенко онцолжээ. “Үүнийг түрэмгийлэл гэхгүй бол өөр юуг түрэмгийлэл гэх вэ? Энэ бол зөвхөн Украины тусгаар тогтнол, нутаг дэвсгэрийн бүрэн бүтэн байдлын төлөөх дайн биш. Харин Европ тив даяарх эрх чөлөө, ардчиллын төлөөх дайн юм" гэж Порошенко хэлсэн байна.
Давосын уулзалтад тэрбээр өнгөрсөн долоо хоногт халдлагад өртсөн Донецкийн автобусны жижигхэн хэлтэрхийг Давост аваад ирсэн нь олны анхаарлын татав. Бууны суманд оногдсон автобусны хэлтэрхийг харуулан Порошенко "Миний хувьд энэ бол Украины эсрэг террорист халдлагын бэлгэ тэмдэг. Харин терроризм дэлхий нийтийн өмнө тулгамдсан асуудал, бид үүнийг ялна" гэв.
Украины тэргүүн Орос-Украины хилийн хааж, Украины нутаг дэвсгэрээс орос цэргүүдийг яаралтай гаргах хэрэгтэй гэдгийг онцолжээ. Сүүлийн хоёр өдөр л гэхэд Украины хилээр 2000 гаруй орос цэрэг, 20 гаруй танк зэрэг Оросын цэргийн тоног төхөөрөмж орж ирсэн нь Донецкийн хурцадмал байдлыг улам дэвэргэж байна гэжээ.
Украины тэргүүн Орос-Украины хилийн хааж, Украины нутаг дэвсгэрээс орос цэргүүдийг яаралтай гаргах хэрэгтэй гэдгийг онцолжээ. Сүүлийн хоёр өдөр л гэхэд Украины хилээр 2000 гаруй орос цэрэг, 20 гаруй танк зэрэг Оросын цэргийн тоног төхөөрөмж орж ирсэн нь Донецкийн хурцадмал байдлыг улам дэвэргэж байна гэжээ.
Сэтгэгдэл (4)