ОХУ-ын Гадаад хэргийн сайд Сергей Лавров АНУ-ын Ерөнхийлөгч Барак Обамагийн улс орныхоо нөхцөл байдлын талаар Конгресст танилцуулсан илтгэлийг шүүмжлэв. Обама Украины хямралын асуудлаар ярихдаа Оросын эсрэг авч хэрэгжүүлж байгаа Барууны хориг нь “Том үндэстнүүд жижиг улсыг дээрэлхэхгүй” гэдэг зарчмын бэлгэ тэмдэг хэмээн иш татжээ. Энэ үгэнд Сергей Лавров ихэд дургүйцэж, “Обамагийн ярианаас бид ноймер нэг, хүн бүр биднийг хүндэтгэж харьцах ёстой гэсэн Америк философи харагдлаа” хэмээн сэтгүүлчдэд зарласан хэвлэлийн бага хурлын үеэрээ мэдэгдсэн байна.
Түүнчлэн "Америкчууд дэлхийд ноёлохоор санаархаж байна. Тэд бүхнийг шүүмжлэхээс биш өөрсдийгөө үнэлж тодорхойлдоггүй” хэмээн Лавров ярьжээ.