АНУ-ын Нью Жерси мужийн Бриджтоны цагдаа Жерами Рейд хар арьст иргэнийг буудан хороож буй бичлэг цацагдаж шуугиан тарьж байна. Өмнө нь Нью-Йорк, Фергьюсон хотуудад хар арьстнуудыг хөнөөсөн хэрэг гарахад аргагүй хамгаалалт байсан гэж цагдааг өмөөрсөн юм. Гэхдээ цагдаа нарт холбогдох хэргийг шүүх эцэслэн шийдээгүй байна.

Харин энэ удаа Жерами Рейд машинаасаа бууж ирээд хоёр гараа ардаа авч буй иргэнийг буудаж байгаа нь нийгэмд улам хүчтэй шүүмжлэл дагуулж байна. Тэр ч бүү хэл "Юунд ч битгий хүр. Тэгэх юм бол буудна шүү" гэж заналхийлж байгааг бичлэгээс харж болох гэнэ.
Өнгөрсөн 12-р сарын 30-нд Бриджтонд 25 мянган хүн оролцсон жагсаал болж, цагдаа нарыг шүүмжилж байв.