Америкийн компаниуд Энэтхэгт цөмийн технологи нийлүүлэхээр тохиролцжээ. Цөмийн хэлцэл хийгдэх тухай 2008 онд тохиролцож байсан боловч технологиос үүдсэн осол, хариуцлага зэргээс болж сүүлийн зургаан жил энэ нь хүлээлт үүсгээд байсан юм.
Хоёр улсын Засгийн газар Батлан хамгаалахын салбар дахь харилцаагаа гүнзгийрүүлэх 10 жилийн төлөвлөгөө ярилцжээ. Мөн нисэгчгүй байлдааны онгоц солилцож, C-130 цэргийн онгоц, бусад тоног төхөөрөмжүүдийг нийлүүлэхээр болсон байна.
Одоогийн байдлаар хоёр улсын худалдааны нэг жилийн эргэлт 100 тэрбум ам.долларт хүрээд байгаа бөгөөд талууд уг үзүүлэлтийг 2020 он гэхэд 500 тэрбум ам.долларт хүргэх зорилт тавиад байгаа аж. Үүнээс гадна хоёр улс батлан хамгаалах, Аюулгүй байдлын салбарт өргөн хүрээнд хамтран ажиллахаар болсон байна.