Украины зүүн хязгаар дахь салан тусгаарлагчдын эсрэг үйл ажиллагаа явуулж байгаа армийн цэргүүд хүндхэн байдалд байгаа гэж “CyberBerkut” групп анхааруулав. Тус группын мэргэжилтнүүд Украины шүүхийн нууц материалуудыг хакердаж, ноцтой баримтуудыг дэлгэн тавьсан байна. Энэхүү баримтад бичсэнээр сүүлийн хоёр долоо хоногийн дотор 1100 цэрэг амиа алдсаны дийлэнх нь Украины армийн албан хаагчид ажээ. Мөн Украины арми 100 гаруй танк, зэвсэгт машинуудаа алдсан гэнэ. Энэ нь “Хүний амь үрэгдээгүй”, “Дайснууд ялагдаж байгаа”, “Террористуудыг хэдэн мянгаар нь устгалаа” хэмээн мэдэгдэж буй Киевийн генералуудын худал ярьж буйг баталжээ. Украины Батлан хамгаалах яам бодит мэдээллийг ард түмнээсээ нууж байна.