Тайландын нийслэл Бангкокт болсон Азийн аварга шалгаруулах пологийн тэмцээнд манай улсаас “Чингис хаан” поло клубын тамирчид оролцож хүрэл медаль хүртсэн билээ. Үүнтэй холбоотойгоор болон монголын поло спортын хөгжил, үйл ажиллагааны талаар “Монголын поло холбоо”-ны ерөнхий нарийн бичгийн дарга Ч.Жумдаантай ярилцлаа. Тайландын нийслэл Бангкокт болсон Азийн аварга шалгаруулах пологийн
тэмцээнд манай улсаас “Чингис хаан” поло клубын тамирчид оролцож хүрэл
медаль хүртсэн билээ. Үүнтэй холбоотойгоор болон монголын поло спортын
хөгжил, үйл ажиллагааны талаар “Монголын поло холбоо”-ны ерөнхий нарийн
бичгийн дарга Ч.Жумдаантай ярилцлаа.
- Юуны өмнө “Чингис хаан” поло клубээ анх хэзээ, хэний санаачлагаар байгуулсан бэ?
- Полог маш эрт үүссэн гэж үздэг. Аль эртний хүннүгийн үеийн зарим баримт бичигт тэмдэглэгдсэн байдаг. Энэ нь яван явсаар полог Чингис болон Хубилай хааны цэргүүд байлдааны бус цагаар тактикийн тоглолт, бэлтгэл хийдэг байсан гэсэн баримт бас бий. Монголоос гаралтай ч гэж үздэг. Бидний хувьд 1997, 1998 оны үед поло спорт Монголд их хэрэгтэй, хөгжих бүрэн боломжтой гэж анх ойлгож байсан. Яаж гэхээр тэр үеийн хөдөөний, орон нутгийн залуусыг монгол морьтой тоглуулж үзсэн. Улмаар тэр үед хамтран ажиллаж байсан Францын кино уран бүтээлч Кристофер Герке гэдэг хүний санаачлагаар 1998 онд “Чингис хаан” поло клубыг байгуулж одоо хүртэл үйл ажиллагаагаа явуулж байна. Нэг ёсондоо Монголын поло холбооны нэрийг авч явж байгаа гэхэд хилсдэхгүй. Ингээд энэ спортыг хөгжүүлэхийн тулд гурван жилийн өмнө Архангай, Дорнод, Булган, Хөвсгөл, Багануур, Хэнтий, Сэлэнгэ, Дундговь зэрэг олон аймгуудад зун, өвлийн сургалтыг зохион байгуулж байсан. Орон нутгийн дөрвөн хүүхэдтэй нэг баг, нэг багштай ирж сургалтад хамрагдаж, бэлтгэл сургуулилт хийдэг байсан. Тухайн үедээ 20 гаруй мянган ам.долларын санхүүжилт гаргаж байсан.
- Тухайн сургалт, бэлтгэл сургуулилт хийхэд шаардагдсан 20 гаруй мянган ам.долларын санхүүжилтийг хэн гаргаж байв?
- Энэ хөрөнгө мөнгийг “Чингис хаан” поло клуб өөрсдөө гаргасан. Холбооноос болон төрөөс огт анхаардаггүй. Амжилт гаргахын тулд бэлтгэл хийх хэрэгтэй, бэлтгэл хийхийн тулд төсөв хэрэгтэй шүү дээ.
- Тэгвэл манай “Монголын поло холбоо” юу хийгээд байна вэ? Та өөрөө Монголын поло холбооны ерөнхий нарийн бичгийн дарга гэж явдаг. Тогтмол үйл ажиллагаа явуулдаггүй юм уу? Монголын поло холбоо гэж дуулснаас биш, хаана байршиж үйл ажиллагаа явуулдагийг нь мэдэхгүй юм?
- Монголын поло холбоо гэдэг нэр, тамга, гэрчилгээ л байдгаас үйл ажиллагаа нь зогсонги байдалтай болсон гэж хэлж болно. Яагаад үйл ажиллагаа нь зогссон гэхээр нөгөө л нэг хөрөнгө мөнгө санхүүгийн асуудал. Тогтмол үйл ажиллагаа явуулах тусгай оффис, байр ч гэж байхгүй. Тэгэхээр хөгжинө гэж юу бай вэ. Юуны өмнө үйл ажиллагаа явуулахын тулд, байр, багш боловсон хүчин, техник технологи хэрэгтэй. Төрөөс холбоонд зориулж хөрөнгө мөнгө, сан хөмрөг бүрдүүлж өгөх хэрэгтэй. Түүнээс би өөрөө хувиасаа мөнгө гаргаж чадахгүй шүү дээ.
- Энэ талаар туслалцаа хэрэгтэй байна гэж холбогдох дээд байгууллагад хүсэлт тавьж байсан уу?
- Үгүй. Энэ талаар хүсэлт тавьж байгаагүй. Дээд байгууллагаас спортын төрлүүдээ хөгжүүлэхийн тулд тусгай төлөвлөгөөтэй туслах хэрэгтэй шүү дээ.
- Тэгвэл “Чингис хаан” поло клуб саяхан “Азийн аварга шалгаруулах тэмцээн”-д оролцож хүрэл медаль хүртлээ шүү дээ. Хятадын өндөр зэрэглэлийн баг тамирчдыг 8:4-ийн харьцаатай хожиж шуугиан дэгдээсэн. Ингээд ирсэн ч төрөөс ямар нэгэн арга хэмжээ үзүүлэхгүй байна гэж үү?
- Тийм ээ. Одоо хүртэл тоохгүй л байна. Зарим хүмүүс бодохдоо энэ Кристофер Геркег зүгээр бизнес хийж байна гэж буруу ойлгоод байх шиг байдаг. Үнэндээ бол тийм биш. Эсрэгээрээ энэ хүн монгол хүүхдүүдийн цаанаасаа заяасан морьтой харьцах авъяасыг нь хөгжүүлж, энэ спортод хөтлөн Монголын нэрийг гаргаж байгаа юм шүү дээ.
- Энэ хүнийг товч танилцуулаач?
- Кристофер Герке хэмээх энэ хүн бол өөрөө кино уран бүтээлч, продфюссер хүн. Түүний эхнэр нь харин С.Энхцэцэг гэж монгол хүн бий. Одоо гурван хүүхэдтэй. Энэ спортыг хөгжүүлэхийн тулд гэр бүлээрээ анхаарлаа хандуулж байгаа. Сая ААШТ-д оролцсон багийн ахлагч Ихтэнгэр хүү тэдний нэг хүү нь.
- Тэмцээний талаар ярилцъя. Том амжилт үзүүлж азийн аваргаас хүрэл медаль хүртлээ шүү дээ?
- Энэ манай тамирдийн хувьд анхны ОУ-ын тэмцээн байлаа. Эхлээд Хятадын өндөр зэрэглэлийн баг тамирчдыг 8:4-ийн харьцаатай буулгаж авсан. Дараагийн тоглолтод 4:4-өөр тэнцсэн. Ингээд нийлбэр дүнгээр гуравдугаар байр эзэлсэн. Энэ тэмцээнд Тайланд, Энэтхэг, Монгол, Хятад гэсэн орны баг тамирчид оролцсон. Цөөн орон оролцсон ч чамлахаар амжилт биш. Яагаад гэвэл Хятад, Энэтхэг, Тайландын тамирчид поло өндөр хөгжсөн Аргентин, Европын орнуудад очиж их үр дүнтэй, өндөр өртгөөр бэлтгэл сургуулилт хийдэг. Манай тамирчдыг бодвол олон жил хичээллэсэн, бие бялдарын хувьд ч илүү тамирчид байсан.
- Тэгвэл манай тамирчдын хувьд хэрхэн бэлтгэл хийдэг вэ? Шигшээ багийн тамирчдаа хэрхэн сонгон шалгаруулж авдаг вэ? Бас насны хувьд?
- Нэг бахархмаар зүйл манай тамирчдын нас байна. Бүгд 20 хүрээгүй хүүхдүүд. Харин бусад орны тамирчид бол 30 хүрсэн, нас тогтож туршлагажсан тамирчид байсан. Тэдэнтэй тоглож хожиж, тэнцүү өрсөлдөж байна гэдэг бол энэ спорт дэмжээд өгвөл цаашид хэрхэн хөгжих вэ гэдэг нь харагдаж байгаа юм. Харин бэлтгэл сургуулилтын хувьд “Чингис хаан” поло клубын санхүүжилтээр Аргентин улсад тамирчдаа явуулсан. Энэ нь ч үр дүнгээ өгсөн.
Б/ахлагч Ихтэнгэр Б.Ууганбаяр А.Мягмаржав Б.Билгүүн Б.Бямбасүрэн
- “Чингис хаан” клуб өөрсдөө дасгалжуулагчтай юу, саяын тэмцээнд ямар дасгалжуулагчтай оролцсон бэ?
- Дасгалжуулагч байгаа. Анх хөгжиж байх үед нь тоглож байсан Баттөр, Одбаатар зэргийн хүмүүс дасгалжуулагч хийх бүрэн боломжтой. Саяын тэмцээний хувьд Монголоос “Чингис хаан” поло клубын ерөнхийлөгч Кристофер Геркегийн эхнэр С.Энхцэцэг дасгалжуулагчаар ажилласан.
- Мэдээж аюултай спортод тооцогддог нь ойлгомжтой. Тэмцээнд оролцох цохиур, хувцас хэрэглэлийг хаанаас авдаг вэ, аюулгүй байдлыг хангасан байдаг уу?
- Аюултай спортод орно. Хувцас хэрэглэлийн хувьд цаанаасаа аюулгүй байдлыг хангах үүднээс хамгаалалт зэрэг нь тусгайлан хийгдсэн байдаг.
- Тэмцээнд унах морьдыг цаанаас нь гаргаж өгдөг юм уу, өөрсдөө авч очдог юм уу?
- Морьдыг цаанаас нь гаргаж өгдөг. Авч очих боломжгүй. Тэр тусмаа манайхны хувьд. Тусгай бэлтгэгдсэн өндөр, сургасан морьд байдаг.
- Тийм бол урд нь унаж байгаагүй, зан аашийг нь мэдэхгүй морьтой тоглоно гэдэг хэцүү байх. Үүнийг яаж шийддэг бол?
- Оролцох орны тамирчид унах морио сонгох биш, унах морио сугалдаг. Ингэхээр моринд гомдох асуудал байхгүй болж байгаа юм. Сая болсон тэмцээн дээр бүгд Аргентин морьдыг оролцуулсан. Морьдын хувьд амархан ядардаг. Тэгэхээр дөрвөн үе тоглохдоо дөрвөн өөр морь сольдог. Нэг үеийг нэг чака гэж нэрлэдэг ба нэг чака нь долоон минут үргэлжилдэг.
- Энэ спортоор хичээллэдэг, тэмцээн уралдаанд оролцдог тамирчид, хүүхдүүдийн эрүүл мэнд, цалин мөнгөний асуудал дээр хэрхэн ханддаг вэ?
- Энэ асуудлыг “Чингис хаан” поло клубын хувьд өөрсдөө хүүхдүүдийнхээ эрүүл мэнд, цалин мөнгөний асуудал дээр ханддаг. Мөн өөрсдийн санхүүгээр гадаад сургадаг. Харин холбооны зүгээс үйл ажиллагаа явуулахгүй байгаа учир энэ асуудалд анхаарал хандуулж чадахгүй байгаа.
- Манай орны хувьд “Чингис хаан” поло клубээс өөр энэ чиглэлээр үйл ажиллагаа өөр клуб, хүмүүс байдаг уу?
- Саяхан шинээр нээгдэж байгаа “Хаан” поло клуб гэж байгаа. Гачууртад байршиж байгаа. Үйл ажиллагаа, бэлтгэл сургуулилт хийх талбай, худаг, техник хэрэгсэл зэргийг бэлдэж байгаа. Бас хөрөнгө мөнгөөр дэмжээд өгвөл тун сайн клуб гарч ирнэ.
- Тэгвэл яг пологоор үйл ажиллагаа явуулдаг клубууд байдаггүй учраас эх орондоо, улсын чанартай тэмцээн уралдаан явуулах боломжгүй гэсэн үг үү?
- Ер нь бэрх. Гэхдээ “Чингис хаан” поло клубээс жил бүр аймаг, аймгийн тамирчдыг оролцуулан улсын аваргын тэмцээн явуулдаг. Мөн өөрийн “Чингис кап” гэж тэмцээн явуулдаг. Хөрөнгө мөнгийг нь мөн өөрсдөө гаргадаг.
- Тэгвэл энэ бүхнийг дүгнэн, манай сайтаар дамжуулан энэ спортыг хөгжүүлэхийн тулд нэн түрүүнд ямар туслалцаа, дэмжлэг хэрэгтэй байгаагаа төр засаг, холбогдох хүмүүст хэлнэ үү.
- Ний нуугүй хэлэхэд ичмээр санагддаг. Гадны хүн Монголын поло спортыг хөгжүүлэх гэж ингэж хичээж байхад төр засаг юу ч хийдэггүй. Нэн түрүүнд хүсэх зүйл бол Монголын поло холбоо тогтмол үйл ажиллагаа явуулдаг байх хэрэгтэй. Өөрийн гэсэн хөрөнгө санхүүгийн сан хөмрөгтэй болж, гадны улс орноос мэргэжилтэн, багш, дасгалжуулагчдийг ажиллуулах шаардлагатай. Дараагаар нь ийм чиглэлээр үйл ажиллагаа явуулдаг клубуудээ дэмжиж, бэлтгэл сургуулилт хийх талбай, техник хэрэгсэлтэй болох хэрэгтэй. Ингэснээр илүү их амжилтын суурь тавигдана. Хэтийн бодлоготой ажлыг төр засаг л зохицуулж, шийдэх хэрэгтэй шүү дээ.
- Ярилцсанд баярлалаа.
- Юуны өмнө “Чингис хаан” поло клубээ анх хэзээ, хэний санаачлагаар байгуулсан бэ?- Полог маш эрт үүссэн гэж үздэг. Аль эртний хүннүгийн үеийн зарим баримт бичигт тэмдэглэгдсэн байдаг. Энэ нь яван явсаар полог Чингис болон Хубилай хааны цэргүүд байлдааны бус цагаар тактикийн тоглолт, бэлтгэл хийдэг байсан гэсэн баримт бас бий. Монголоос гаралтай ч гэж үздэг. Бидний хувьд 1997, 1998 оны үед поло спорт Монголд их хэрэгтэй, хөгжих бүрэн боломжтой гэж анх ойлгож байсан. Яаж гэхээр тэр үеийн хөдөөний, орон нутгийн залуусыг монгол морьтой тоглуулж үзсэн. Улмаар тэр үед хамтран ажиллаж байсан Францын кино уран бүтээлч Кристофер Герке гэдэг хүний санаачлагаар 1998 онд “Чингис хаан” поло клубыг байгуулж одоо хүртэл үйл ажиллагаагаа явуулж байна. Нэг ёсондоо Монголын поло холбооны нэрийг авч явж байгаа гэхэд хилсдэхгүй. Ингээд энэ спортыг хөгжүүлэхийн тулд гурван жилийн өмнө Архангай, Дорнод, Булган, Хөвсгөл, Багануур, Хэнтий, Сэлэнгэ, Дундговь зэрэг олон аймгуудад зун, өвлийн сургалтыг зохион байгуулж байсан. Орон нутгийн дөрвөн хүүхэдтэй нэг баг, нэг багштай ирж сургалтад хамрагдаж, бэлтгэл сургуулилт хийдэг байсан. Тухайн үедээ 20 гаруй мянган ам.долларын санхүүжилт гаргаж байсан.
- Тухайн сургалт, бэлтгэл сургуулилт хийхэд шаардагдсан 20 гаруй мянган ам.долларын санхүүжилтийг хэн гаргаж байв?
- Энэ хөрөнгө мөнгийг “Чингис хаан” поло клуб өөрсдөө гаргасан. Холбооноос болон төрөөс огт анхаардаггүй. Амжилт гаргахын тулд бэлтгэл хийх хэрэгтэй, бэлтгэл хийхийн тулд төсөв хэрэгтэй шүү дээ.
- Тэгвэл манай “Монголын поло холбоо” юу хийгээд байна вэ? Та өөрөө Монголын поло холбооны ерөнхий нарийн бичгийн дарга гэж явдаг. Тогтмол үйл ажиллагаа явуулдаггүй юм уу? Монголын поло холбоо гэж дуулснаас биш, хаана байршиж үйл ажиллагаа явуулдагийг нь мэдэхгүй юм?- Монголын поло холбоо гэдэг нэр, тамга, гэрчилгээ л байдгаас үйл ажиллагаа нь зогсонги байдалтай болсон гэж хэлж болно. Яагаад үйл ажиллагаа нь зогссон гэхээр нөгөө л нэг хөрөнгө мөнгө санхүүгийн асуудал. Тогтмол үйл ажиллагаа явуулах тусгай оффис, байр ч гэж байхгүй. Тэгэхээр хөгжинө гэж юу бай вэ. Юуны өмнө үйл ажиллагаа явуулахын тулд, байр, багш боловсон хүчин, техник технологи хэрэгтэй. Төрөөс холбоонд зориулж хөрөнгө мөнгө, сан хөмрөг бүрдүүлж өгөх хэрэгтэй. Түүнээс би өөрөө хувиасаа мөнгө гаргаж чадахгүй шүү дээ.
- Энэ талаар туслалцаа хэрэгтэй байна гэж холбогдох дээд байгууллагад хүсэлт тавьж байсан уу?
- Үгүй. Энэ талаар хүсэлт тавьж байгаагүй. Дээд байгууллагаас спортын төрлүүдээ хөгжүүлэхийн тулд тусгай төлөвлөгөөтэй туслах хэрэгтэй шүү дээ.
- Тэгвэл “Чингис хаан” поло клуб саяхан “Азийн аварга шалгаруулах тэмцээн”-д оролцож хүрэл медаль хүртлээ шүү дээ. Хятадын өндөр зэрэглэлийн баг тамирчдыг 8:4-ийн харьцаатай хожиж шуугиан дэгдээсэн. Ингээд ирсэн ч төрөөс ямар нэгэн арга хэмжээ үзүүлэхгүй байна гэж үү?
- Тийм ээ. Одоо хүртэл тоохгүй л байна. Зарим хүмүүс бодохдоо энэ Кристофер Геркег зүгээр бизнес хийж байна гэж буруу ойлгоод байх шиг байдаг. Үнэндээ бол тийм биш. Эсрэгээрээ энэ хүн монгол хүүхдүүдийн цаанаасаа заяасан морьтой харьцах авъяасыг нь хөгжүүлж, энэ спортод хөтлөн Монголын нэрийг гаргаж байгаа юм шүү дээ.
- Энэ хүнийг товч танилцуулаач?
- Кристофер Герке хэмээх энэ хүн бол өөрөө кино уран бүтээлч, продфюссер хүн. Түүний эхнэр нь харин С.Энхцэцэг гэж монгол хүн бий. Одоо гурван хүүхэдтэй. Энэ спортыг хөгжүүлэхийн тулд гэр бүлээрээ анхаарлаа хандуулж байгаа. Сая ААШТ-д оролцсон багийн ахлагч Ихтэнгэр хүү тэдний нэг хүү нь.
- Тэмцээний талаар ярилцъя. Том амжилт үзүүлж азийн аваргаас хүрэл медаль хүртлээ шүү дээ?
- Энэ манай тамирдийн хувьд анхны ОУ-ын тэмцээн байлаа. Эхлээд Хятадын өндөр зэрэглэлийн баг тамирчдыг 8:4-ийн харьцаатай буулгаж авсан. Дараагийн тоглолтод 4:4-өөр тэнцсэн. Ингээд нийлбэр дүнгээр гуравдугаар байр эзэлсэн. Энэ тэмцээнд Тайланд, Энэтхэг, Монгол, Хятад гэсэн орны баг тамирчид оролцсон. Цөөн орон оролцсон ч чамлахаар амжилт биш. Яагаад гэвэл Хятад, Энэтхэг, Тайландын тамирчид поло өндөр хөгжсөн Аргентин, Европын орнуудад очиж их үр дүнтэй, өндөр өртгөөр бэлтгэл сургуулилт хийдэг. Манай тамирчдыг бодвол олон жил хичээллэсэн, бие бялдарын хувьд ч илүү тамирчид байсан.
- Нэг бахархмаар зүйл манай тамирчдын нас байна. Бүгд 20 хүрээгүй хүүхдүүд. Харин бусад орны тамирчид бол 30 хүрсэн, нас тогтож туршлагажсан тамирчид байсан. Тэдэнтэй тоглож хожиж, тэнцүү өрсөлдөж байна гэдэг бол энэ спорт дэмжээд өгвөл цаашид хэрхэн хөгжих вэ гэдэг нь харагдаж байгаа юм. Харин бэлтгэл сургуулилтын хувьд “Чингис хаан” поло клубын санхүүжилтээр Аргентин улсад тамирчдаа явуулсан. Энэ нь ч үр дүнгээ өгсөн.
Б/ахлагч Ихтэнгэр Б.Ууганбаяр А.Мягмаржав Б.Билгүүн Б.Бямбасүрэн
- “Чингис хаан” клуб өөрсдөө дасгалжуулагчтай юу, саяын тэмцээнд ямар дасгалжуулагчтай оролцсон бэ?
- Дасгалжуулагч байгаа. Анх хөгжиж байх үед нь тоглож байсан Баттөр, Одбаатар зэргийн хүмүүс дасгалжуулагч хийх бүрэн боломжтой. Саяын тэмцээний хувьд Монголоос “Чингис хаан” поло клубын ерөнхийлөгч Кристофер Геркегийн эхнэр С.Энхцэцэг дасгалжуулагчаар ажилласан.
- Мэдээж аюултай спортод тооцогддог нь ойлгомжтой. Тэмцээнд оролцох цохиур, хувцас хэрэглэлийг хаанаас авдаг вэ, аюулгүй байдлыг хангасан байдаг уу?
- Аюултай спортод орно. Хувцас хэрэглэлийн хувьд цаанаасаа аюулгүй байдлыг хангах үүднээс хамгаалалт зэрэг нь тусгайлан хийгдсэн байдаг.
- Тэмцээнд унах морьдыг цаанаас нь гаргаж өгдөг юм уу, өөрсдөө авч очдог юм уу?
- Морьдыг цаанаас нь гаргаж өгдөг. Авч очих боломжгүй. Тэр тусмаа манайхны хувьд. Тусгай бэлтгэгдсэн өндөр, сургасан морьд байдаг.
- Тийм бол урд нь унаж байгаагүй, зан аашийг нь мэдэхгүй морьтой тоглоно гэдэг хэцүү байх. Үүнийг яаж шийддэг бол?
- Оролцох орны тамирчид унах морио сонгох биш, унах морио сугалдаг. Ингэхээр моринд гомдох асуудал байхгүй болж байгаа юм. Сая болсон тэмцээн дээр бүгд Аргентин морьдыг оролцуулсан. Морьдын хувьд амархан ядардаг. Тэгэхээр дөрвөн үе тоглохдоо дөрвөн өөр морь сольдог. Нэг үеийг нэг чака гэж нэрлэдэг ба нэг чака нь долоон минут үргэлжилдэг.
- Энэ спортоор хичээллэдэг, тэмцээн уралдаанд оролцдог тамирчид, хүүхдүүдийн эрүүл мэнд, цалин мөнгөний асуудал дээр хэрхэн ханддаг вэ?
- Энэ асуудлыг “Чингис хаан” поло клубын хувьд өөрсдөө хүүхдүүдийнхээ эрүүл мэнд, цалин мөнгөний асуудал дээр ханддаг. Мөн өөрсдийн санхүүгээр гадаад сургадаг. Харин холбооны зүгээс үйл ажиллагаа явуулахгүй байгаа учир энэ асуудалд анхаарал хандуулж чадахгүй байгаа.
- Манай орны хувьд “Чингис хаан” поло клубээс өөр энэ чиглэлээр үйл ажиллагаа өөр клуб, хүмүүс байдаг уу?
- Саяхан шинээр нээгдэж байгаа “Хаан” поло клуб гэж байгаа. Гачууртад байршиж байгаа. Үйл ажиллагаа, бэлтгэл сургуулилт хийх талбай, худаг, техник хэрэгсэл зэргийг бэлдэж байгаа. Бас хөрөнгө мөнгөөр дэмжээд өгвөл тун сайн клуб гарч ирнэ.
- Тэгвэл яг пологоор үйл ажиллагаа явуулдаг клубууд байдаггүй учраас эх орондоо, улсын чанартай тэмцээн уралдаан явуулах боломжгүй гэсэн үг үү?
- Ер нь бэрх. Гэхдээ “Чингис хаан” поло клубээс жил бүр аймаг, аймгийн тамирчдыг оролцуулан улсын аваргын тэмцээн явуулдаг. Мөн өөрийн “Чингис кап” гэж тэмцээн явуулдаг. Хөрөнгө мөнгийг нь мөн өөрсдөө гаргадаг.
- Тэгвэл энэ бүхнийг дүгнэн, манай сайтаар дамжуулан энэ спортыг хөгжүүлэхийн тулд нэн түрүүнд ямар туслалцаа, дэмжлэг хэрэгтэй байгаагаа төр засаг, холбогдох хүмүүст хэлнэ үү.
- Ний нуугүй хэлэхэд ичмээр санагддаг. Гадны хүн Монголын поло спортыг хөгжүүлэх гэж ингэж хичээж байхад төр засаг юу ч хийдэггүй. Нэн түрүүнд хүсэх зүйл бол Монголын поло холбоо тогтмол үйл ажиллагаа явуулдаг байх хэрэгтэй. Өөрийн гэсэн хөрөнгө санхүүгийн сан хөмрөгтэй болж, гадны улс орноос мэргэжилтэн, багш, дасгалжуулагчдийг ажиллуулах шаардлагатай. Дараагаар нь ийм чиглэлээр үйл ажиллагаа явуулдаг клубуудээ дэмжиж, бэлтгэл сургуулилт хийх талбай, техник хэрэгсэлтэй болох хэрэгтэй. Ингэснээр илүү их амжилтын суурь тавигдана. Хэтийн бодлоготой ажлыг төр засаг л зохицуулж, шийдэх хэрэгтэй шүү дээ.
- Ярилцсанд баярлалаа.
Б.Ням
