Хойд Солонгосын удирдагчид 17-20 насны охид, эмэгтэйчүүдийг заавал цэргийн алба хаах шаардлагатай гэж шийдвэрлэжээ. 17 нас хүрсэн бүх эмэгтэйчүүд цэрэг татлагын газар очиж эрүүл мэндийн үзлэгт ороод тэнцвэл шууд л цэргийн ангид хуваарилагдахаар болжээ. Эмэгтэйчүүдийг тав болон наймдугаар сард цэрэгт татахаар болсон байна.
Өмнө нь эмэгтэйчүүд сайн дураараа цэргийн алба хаадаг байсан юм. Батлан хамгаалах яамны удирдлагууд эмэгтэй цэргүүдийн биед тохирсон сургалт, хөтөлбөр боловсруулж эхэлжээ.

Удирдагч Ким Чен Ун өнгөрсөн сард эрэгтэйчүүдийн цэргийн алба хаах хугацааг 13 жил болгосноо мэдэгдсэн билээ.