“Исламын улс” бүлэглэлийн дайчид Иорданы нисэгч Моаз аль-Касаcбиг амьдаар нь шатааж буй бичлэг цахим ертөнцөөр тарсан билээ. Үүний дараа эрх баригчид Йорданы шоронд хоригдож буй амиа золиослогч эмэгтэй Сажида ар-Ришауи болон таван хоригдлыг цаазаар авах шийдвэр гаргасан байна. Японы хоёр сэтгүүлч амиа алдаж, нисэгч Моазийг аврах хэлэлцээр амжилтгүй болоход Иорданы засаг захиргаа "Исламын улс"-ын бүх хоригдлыг цаазална хэмээн сануулжээ.

Нисэгчийн үхлээс шалтгаалаад Йордан улсад эмх замбараагүй байдал үүсээд байна. Орон нутгийн хэвлэлүүдийн мэдээлж буйгаар жагсагчид хотын цагдаагийн газар болон засаг захиргааны хэд хэдэн барилга байгууламжийг галдан шатаажээ.

Энэ хэрэгтэй холбогдуулан Йорданы хаан II Абдулла ард иргэдээ тайван байхыг мөн терроризмын эсрэг тэмцэлд нэгдэхийг уриалав. Тэрбээр ард түмэндээ хандан “Йорданы нисгэгч эх орон, итгэл үнэмшилээ амиараа хамгааллаа. Түүний төлөө Йорданчууд эв нэгдэлтэй байх ёстой” гэжээ.