“Исламын улс” бүлэглэлийн дайчид Иорданы нисэгч Моаз Аль-Касасбег амьдаар нь шатааж буй бичлэгээ дэлгэж, дэлхий нийтийг бухимдуулсан юм. Үүний хариуд Иорданы арми Сири дэхь эвслийн цэргүүдийнхээ хүчин чадлыг нэмэгдүүлж, хэт даврагчдын байршил руу байлдааны онгоцуудаар довтолж эхэллээ. Нисэгчийг Сирийн Ракка хотод үүрэг гүйцэтгэж байгаад онгоц нь сүйрэхэд барьцаалан авсан юм. Тиймээс өөрсдийгөө “Халифын вант” улс хэмээн тунхагласан хэт даврагчдын Ракка хот дахь байршлуудыг түйвээх зорилго тавьжээ.

 Иорданы армийн 10 гаруй байлдааны онгоц “Исламын улс” бүлэглэлийн сургалтын байр, зэвсгийн агуулахыг бөмбөгдөөд байна. “Энэ бол зөвхөн эхлэл” гэж Иорданы Абдулла хаан мэдэгдэв.