Нато Зүүн Европ дахь цэргийнхээ тоог 13-30 мянга болгож нэмэгдүүлнэ. Мөн 5000 хүчирхэг бригад, тэнгисийн болон агаарын цэргийн тусгай ангийг нэмж байршуулна гэж Нато-гийн Ерөнхий нарийн бичгийн дарга Йенс Столтенбер Брюселль хотноо Европын холбооны 28 орны Батлан хамгаалахын сайд нартай уулзсаныхаа дараа мэдэгджээ.

Их Британи улс Зүүн Европт 1000 цэрэг, байлдааны онгоцуудаа байршуулна гэдгээ аль хэдийнэ сануулсан юм. Украины хямрал гүнзгийрч байгаа энэ үед шаардлага гарвал нэмэлт хүчийг хоёр хоногийн дотор байршуулж, ажиллагааг долоо хоногийн дотор эхлүүлэх ажээ.
 
Тэгвэл Украин, Польш, Литваны зэвсэгт хүчин 2015 онд анхны хамтарсан сургуулилтаа хийхээр болсоноо мэдэгдсэн билээ. Энэхүү цэргийн сургуулилтад 4500 алба хаагч, НҮБ-ын энхийг сахиулагч оролцоно. ОХУ-ын хилийн орчимд олон улсын цэргийн эвсэл хүчээ зузаатгаж байгаа нь санаа зовоосон асуудал мөн гэж Гадаад хэргийн сайд Сергей Лавровын төлөөлөгч Александр Лукашевич сануулжээ. Тэрээр Украины дотоод зөрчил олон улсын хэмжээнд өргөжин тэлж байгаа нь бүс нутгийн аюулгүй байдалд сөргөөр нөлөөлнө гэж үзжээ.