Италийн Лампедуза ардын ойролцоогоос аврагдсан цагаачдын 27 нь хэт даарсны улмаас амиа алдлаа хэмээн тус улсын тэнгисийн хамгаалалтын албанаас мэдээллээ. Эмгэнэлт явдлаас өмнө хийлдэг завин дээр явсан 105 дүрвэгчийг Италийн газар нутгаас 160 км-ийн зайд явахад нь аварсан юм. Тэдгээр хүмүүс завь нь асуудлалд орсны улмаас хиймэл дагуулын утсаар дамжуулан тусламж хүсч аврагдсан аж. Харамсалтай нь далайн давалгаа хэт өндөр буюу найман метрт хүрсэн нь дүрвэгсдийн биеийн хэвийн дулааныг алдагдуулсан байна.

Арлын эрүүл мэндийн ажилтны мэдээлснээр дүрвэгсэд хуурайн газар хүрэхийн тулд завины задгай тавцан дээр 18 цагийг өнгөрүүлсэн аж.
Энэ бол Лампедуза аралд хүрэх гэсэн дүрвэгсдийн амиа алдсан анхны тохиолдол биш юм. 2013 оны 10 дугаар сард 366 цагаач мөн амиа алдаж байсан юм.