Исламын хэт даврагсдын Боко Харам бүлэглэл Камеруны хилийн ойролцоогоос 30 хүн барьцаалжээ. Дээрх хүмүүсийг барьцаалахын тулд хоёр автобусыг эзэлсэн бөгөөд энэ үеэр нийт долоон хүн амиа алдсан байна. Нигерийн тагнуулын газрын мэдээлснээр автобусуудыг Камеруны хилээс 18 км-ийн зайд эзэлжээ.
Энэхүү хэрэг нь Боко Харам бүлэглэл өнгөрсөн жил Нигерьт сургуулийн насны 300 охиныг хулгайлсан хэрэгтэй маш адилхан зарчмаар явагдсан хэмээн холбогдох албаныхан үзэж байна. Барьцаалагдын ихэнх нь эмэгтэйчүүд бөгөөд тэдгээрийн дунд 11-14 насны долоон охин байгаа аж.
Боко Харам бүлэглэл нь сүүлийн таван жилийн турш Нигерийн засгийн газрын эсрэг үймээн самуун дэгдээж байгаа бөгөөд өнгөрсөн жил гэхэд л 10 мянга гаруй хүн мөргөлдөөний золиос болж амиа алдсан юм.  

Д.Идэр