Тэрээр Египетэд гар хоосон ирээгүй бөгөөд ерөнхийлөгч Абдел Фатта эл-Сисид өчигдөр бэлгээ гардуулан өгсөн нь олон улсын улс төрийн хүрээнд шуугиан дэгдээлээ. В.Путин ерөнхийлөгч Сисид төмөр хайрцагт хийсэн АК-47 винтов буу бэлэглэжээ.

    ОХУ-ын ерөнхийлөгч Владимир Путин энэ долоо Египетэд айлчилж байна. Түүний айлчлалыг ажиглагчид Оросын нөлөөг ихэсгэх оролдлого хэмээн харж байгаа. Тэгвэл В.Путин энэхүү айлчлалд ихээхэн ач холбогдол өгч байгаа нь илт байна. Тэрээр Египетэд гар хоосон ирээгүй бөгөөд ерөнхийлөгч Абдел Фатта эл-Сисид өчигдөр бэлгээ гардуулан өгсөн нь олон улсын улс төрийн хүрээнд шуугиан дэгдээлээ. В.Путин ерөнхийлөгч Сисид төмөр хайрцагт хийсэн АК-47 винтов буу бэлэглэжээ.

АК бол ОХУ-ын батлан хамгаалахын брэнд зэвсэг гэж ойлгож болно. Ажиглагчид энэхүү бэлгийн утга учрыг олон янзаар тайлбарлаж байна. Зарим нь энэ бол олон сая долларын зэвсгийн хэлэлцээрт В.Путин толгой дохиж буйн илрэл хэмээн бичжээ. Харин зарим нь энэ бэлэг коммунист түүхтэй орны цэргийн бэлэг тэмдэг боловч яах аргагүй онцгой утгатай байх ёстой хэмээсэн байна.

Сүүлийн үед АНУ, Египетийн харилцаа эрс муудсан бөгөөд Египет Москва руу эргэсний дараа ерөнхийлөгч В.Путин, Сиси нар харилцаагаа зузаатгаж олон асуудлыг хэлэлцэж байгаа юм. Тэд пүрэв гарагт айлчлалаар хэлэлцсэн асуудлуудад гарын үсэг зурах аж.

Д.Идэр