Франц, Герман, Орос, Украйны төрийн тэргүүнүүд Украйн дахь  зөрчилдөөний асуудлыг шийдвэрлэх зорилготой энхийн хэлэлцээгээ эхлүүллээ. Германы канцлер Ангела Меркель, Францын ерөнхийлөгч Франсуа Олланд, Украйны ерөнхийлөгч Петро Порошенко болон Оросын төрийн тэргүүн Владимир Путин нар оролцож буй хурлаар талууд Украйны газар нутгийн бүрэн бүтэн байдал, улсын бүрэн эрхт байдлыг  дэмжсэн тунхаг бичгийг батлахыг зорьж байгаа юм.

Олон улсын хэвлэлүүд энэхүү хэлэлцээр зөрчилдөөний дарамттай явагдаж байгааг онцолсон байна. Оросыг дэмжигч салан тусгаарлагчид Киевт дарамт учруулж, хэлэлцээрийн томоохон мөргөлдөөнүүдийг зохион байгуулж байна. Беларусьт лхагва гарагт эхэлсэн хэлэлцээр эхэлснээс хойш Украйны армийн 19 цэрэг босогчдыг дайралтад өртөн амиа алдсан хэмээн холбогдох албаныхан мэдээллээ.

5000 гаруй хүний аминд хүрсэн иргэний дайнд Вашингтон болон Европийн холбоо Москваг буруутгаж байгаа бөгөөд энэхүү уулзалтын үр дүнгээс хамааран Украйны армийг хөнөөлт зэвсгээр хангах эсэхээ шийдвэрлэх юм.