Олон улсын хүний эрхийн байгууллага Суданд ажиллагаанд хамрагдсан цэргүүд өнгөрсөн жил баруун хэсгийн Дарфур мужид олон зуун эмэгтэйг хүчирхийлсэн хэмээн мэдэгдлээ. Тиймээс цэрэг нэртэй гэмт хэрэгтнүүдийг мөрдөх шалгах уриалга гаргасан байна.

    Олон улсын хүний эрхийн байгууллага Суданд ажиллагаанд хамрагдсан цэргүүд өнгөрсөн жил баруун хэсгийн Дарфур мужид олон зуун эмэгтэйг хүчирхийлсэн хэмээн мэдэгдлээ. Тиймээс цэрэг нэртэй гэмт хэрэгтнүүдийг мөрдөх шалгах уриалга гаргасан байна.

Тус байгууллагын 48 хуудас тайланд Суданы эрх баригчид өнгөрсөн жилийн 10-р сард гарсан хүчирхийллийн масс хэргүүдийг няцааж байгаа нь эргэлзээ төрүүлж байна хэмээн тэмдэглэжээ.

Хүний эрхийн байгууллагын судалгаагаар багадаа 221 эмэгтэй хүчирхийлэлд өртсөний дотор өсвөр насны охид олон байжээ. Дарфур мужид ажиллагаанд хамрагдсан цэргүүд 2014 оны 10-р сарын 30-ны өдрөөс эхлэн 36 цагийн дотор эмэгтэйчүүд рүү гурван удаа бөөнөөр халдаж хүчирхийлсэн хэмээн мэдээллээ.

Тайланд бичсэнээр цэргүүд айлуудыг нэгжиж эрчүүдийг баривчлан хориод хотын зах руу явуулсны дараа эмэгтэйчүүдийг гэрт нь хүчирхийлжээ. Хоёр сарын турш мөрдлөгө, судалгаа явуулсны эцэст судлаачид 27 хүчирхийллийн хэргийг баримтжуулсан бөгөөд 194 ийм төрлийн хэрэг гарсан гэх нотолгоог олсон байна.
Хартоум энэ удаад ч бас тайланг няцааж байгаа бөгөөд НҮБ, Африкын холбооны хүчинг Дарфур мужид мөрдлөг явуулахыг хориглосоор байна.