Сөүлийн шүүх Кorean air авиа компанийн гүйцэтгэх захирлаар ажиллаж байсан эмэгтэйд нэг жилийн ял оноолоо. Тус компанийн эзний охин Хитер Чо 12 дугаар сард өөрийнхөө онгоцоор нисэхдээ онгоцны үйлчлэгчийг өөрт нь тусгай самраар үйлчилсэнгүй хэмээн уурласны улмаас нислэгийг таван минутаар хойшлуулсан юм.
Энэхүү хэргийн дараа гүйцэтгэх захирлын албан тушаалаасаа халагдсан Хитер Чог ажилтантай зүй бусаар харьцсан, нислэгийг хоцруулсан хэмээн буруутгажээ.

Өнгөрсөн 12 дугаар сард тэрбээр АНУ-ын Нью-Йорк хотоос Солонгосын Инчоныг зорьсон нислэгээр үйлчлүүлсэн ба онгоцны үйлчлэгчээс самар авчрахыг хүсэхэд ажилтан ууттай самар авчирч өгчээ. Харин Хитер Чо самрыг уутнаас нь гаргах ёстой байсан хэмээн уурлаж бухимдан улмаар үйлчилгээний ажилтныг онгоцноос буулгахыг шаардаж Инчоны онгоцыг 20 минут саатуулсан ба онгоц Сөүлд 11 минутаар хоцорч буусан аж. Харин түүний уг үйлдлийн цахим сүлжээгээр их шүүмжилсэн бөгөөд ямар нэгэн хариуцлага хүлээлгэхийг шаардсан учир түүнийг ийнхүү албан тушаалаас нь чөлөөлсөн юм.