БНХАУ-ын ерөнхийлөгч Ши Жинпинийг манай улсад төрийн айлчлал хийх үед өгсөн бэлэг тун удахгүй эзэндээ очих гэж байгаа тухай тус улсын төрийн хэвлэл Сяньхуа агентлаг мэдээллээ. Ерөнхйилөгч Ц.Элбэгдоржийн түүнд бэлэглэсэн хос морьдийг өчигдөр Ши Жинпинд хүргүүлэхээр явуулсан бол өнөөдөр ӨМӨЗО-ны Эрээн хотод очжээ.

2014 оны наймдугаар сард хийсэн Ши Жинпинийн айлчилж ирсэнд зориулж зохион байгуулсан бэсрэг наадмын үеэр Ерөнхийлөгч Ц.Элбэгдорж  Хятадын ерөнхийлөгч болон түүний гэргий Пөн Ли-Юань нарт  цоохор зүсмийн морьд бэлэглэсэн юм.
Сүрэгт нь өвөлжүүлсэн хоёр морийг өчигдөр Замын-Үүдийн гааль, хилийн цэрэг, мал эмнэлэг, хорио цээрийн хяналтаар оруулан улсын хил нэвтрүүлсэн билээ.