Монгол Улсын соёлын гавьяат зүтгэлтэн, Д.Нацагдоржийн болон МЗЭ-ийн шагналт, яруу найрагч Ш.Дулмааг Монголчууд андахгүй. “Хүүгийн эцэгт бичсэн захидал” хэмээх алдарт шүлгээрээ олныг уярааж явсан энэ яруу найрагчийг зохиолч, яруу найрагч нөхөд нь хаан найргийн “Хатан” Ш.Дулмаа хэмээн хүндэтгэдэг. Ш.Дулмаа гуай М.Горькийн нэрэмжит утга зохиолын дээд сургуулийн сэтгүүлчийн ангийг төгсчээ.
одоогийн “Монголын үнэн” сонинг “Үнэн” нэртэй байхад нь бусад мэргэжил нэгтнүүдтэй үүсгэн байгуулалцаж явсан түүхтэй. Түүний хань Ганболд гэгч сайн жүжигчин байсан. Тэрээр  “Дайсны цэргүүдээ сонсоцгоо” киноны Гэлэг хошуучийн дүрээр ард түмнийхээ дунд мөнхөрсөн, ахмад жүжигчин байлаа. Ш.Дулмаа гуайн хүүхдүүд бүгд тусдаа гарч, хаан найргийн “Хатан” өдгөө ганцаараа амьдарч байна. Тэгвэл  80 насын сүүдэр зооглосон Ш.Дулмаа гуайн эрх зээ охин загвар өмсөгч С.Сарнай хэмээх бүсгүй сүүлийн үед олны анхаарлыг татах болсоор удаж байна. Японд амьдарч, арлын оронд 12 жил загвар өмсөгчөөр ажилласан энэ бүсгүйн нүцгэн зургууд одоо ч японд алдартай гэнэ.