Энэ сарын 15-ны өдөр баталсан Украйны гал зогсоох хэлэлцээр Харьков хотод дэлбэрэлт болсноор нурж эхэлж байна. Ням гарагт тус улсын хоёр дахь том хот Харьковт бөмбөг дэлбэлснээр хоёр хүн амиа алдаж, олон арван хүн гэмтэж бэртээд байгаа юм.

    Энэ сарын 15-ны өдөр баталсан Украйны гал зогсоох хэлэлцээр Харьков хотод дэлбэрэлт болсноор нурж эхэлж байна. Ням гарагт тус улсын хоёр дахь том хот Харьковт бөмбөг дэлбэлснээр хоёр хүн амиа алдаж, олон арван хүн гэмтэж бэртээд байгаа юм. Дотоод хэргийн яамны мэдээлснээр дэлбэрэлт ерөнхийлөгч асан Виктор Януковичийг засгийн эрхээс унагаасны нэг жилийн ойг тэмдэглэх жагсаалын үеэр болжээ.

Чухам юугаар дэлбэлснийг тогтоогоогүй байгаа ч энэхүү хэрэг явдлыг террорист үйл ажиллагаа хэмээн үзэж буйгаа Украйны эрх баригчид илэрхийлжээ. 100 гаруй хүн оролцсон жагсаалын үеэр амиа алдсан хоёр хүнийг нэг нь цагдаагийн албан хаагч байсан байна.

Энэхүү хэрэгт холбогдуулан дөрвөн хүнийг сэжигтнээр татан баривчилжээ. Тэднийг Харьков хоттой хиллэх ОХУ-ын Белогород хотод нэвтэрч зэвсэг худалдан авсан хэмээн мэдэгдэж байгаа юм.

“Ням гарагт түүхэн ялалтын ой болсон ч террористууд энэ өдрийг баллалаа” хэмээн ерөнхийлөгч Петро Порошенко мэдэгдсэн байна.
2014 оны хоёрдугаар сард Украйны парламент санал хурааж өмнөх ерөнхийлөгчийг унагааснаас хойш энэхүү үйл явдлыг буруутгасан цуст мөргөлдөөнүүд хэд хэдэн удаа болж байсан юм. Сарын дараа ОХУ-д нэгдсэн Кримийн иргэд экс ерөнхийлөгчийг хөөн зайлуулсныг ихээхэн дэмжиж байсан юм.
Хүнд зэвсгүүдийг эргүүлэн татаж, гал зогсоох энхийн хэлэлцээр арван өдрийн өмнө батлагдсан ч одоо хүртэл мөргөлдөөн үргэлжилсээр байна.  

Д.Идэр