ОХУ-ын Гадаад хэргийн сайд Сергей Лавров даваа гарагт АНУ-ыг хурцаар шүүмжиллээ. Тэрээр АНУ-ыг Дундад дорнодод эмх замбараагүй байдал үүсгэж, дэлхийг эзэгнэх гэсэн оролдлогоороо исламын хэт даврагчдыг “хөөргөж” байна гэжээ.

    ОХУ-ын Гадаад хэргийн сайд Сергей Лавров даваа гарагт АНУ-ыг хурцаар шүүмжиллээ. Тэрээр АНУ-ыг Дундад дорнодод эмх замбараагүй байдал үүсгэж, дэлхийг эзэгнэх гэсэн оролдлогоороо исламын хэт даврагчдыг “хөөргөж” байна гэжээ.

Тэрээр НҮБ-ын Аюулгүйн зөвлөлийн олон улсын энх тайван, аюулгүй байдлыг сайжруулах бодлогын мэтгэлцээний үеэр ийнхүү Вашингтоны бодлогыг эрс буруутгажээ.

Сергей Лавров хэлэхдээ “Сирид өгч буй АНУ-аар толгойлуулсан агаарын дайралтууд, 2003 онд Иракт цэрэг оруулсан, 2011 онд Ливид цэргийн интервэнц хийсэн явлууд нь НҮБ-ын үндсэн зармуудыг зөрчсөн хүчирхийллүүдийн томоохон жишээнүүд юм” гэсэн байна.

Лавров 15 гишүүн орны төлөөлөгчдөд хандан “Энэ бол АНУ олон улсыг эзлэх гэж, хаа сайгүй өөрийн дүрмээ тогтоох гэж, сонирхлоо хэрэгжүүлэхийн тулд цэргийн хүчийг өрөөсгөлөөр ашигласны үр дүн” хэмээн хэлжээ. Эдгээр нь Дундад Дорнод, хойд Африкыг тогтворгүй буюу хаос байдалд оруулсан бөгөөд хэт даврагчдын алан хядах ажиллагааг улам өдөөсөн гэжээ.
 
Мөн тэрээр Аюулгүйн зөвлөлийг Вашингтоны шийдвэрийг тамгалах үүрэгтэй газар болсон хэмээн шүүмжилжээ. “Бид Аюулгүйн зөвлөлийг үнэхээр энх тайван, аюулгүй байдлыг сахиулах хэрэгсэл гэж хардаг уу? эсвэл үүнийг суртал ухуулгын мөргөлдөөний талбар болгоход бэлдэж байгаа юм уу?” хэмээн ам асуусан байна.