Евробүсийн тусламжийн хөтөлбөрийг дөрвөн сараар сунгаж чадсан Грекийн эрх баригчид энэ хугацаанд хөл дээрээ босох эдийн засгийн Шинэчлэлийн төлөвлөгөөгөө боловсруулж өнгөрсөн долоо хоногт өргөн барьсан билээ. Тэгвэл өнөөдөр Евробүсийн орнуудын Сангийн сайдууд Грекийн Шинэчлэлийн төлөвлөгөөг дэмжсэн тухайгаа олон улсад зарлалаа.

    Евробүсийн тусламжийн хөтөлбөрийг дөрвөн сараар сунгаж чадсан Грекийн эрх баригчид энэ хугацаанд хөл дээрээ босох эдийн засгийн Шинэчлэлийн төлөвлөгөөгөө боловсруулж өнгөрсөн долоо хоногт өргөн барьсан билээ. Тэгвэл өнөөдөр Евробүсийн орнуудын Сангийн сайдууд Грекийн Шинэчлэлийн төлөвлөгөөг дэмжсэн тухайгаа олон улсад зарлалаа.

Евробүсийн бүлгийн мэдээлснээр Грекийг эдийн засгаа сэргээх төлөвлөгөөнд заасанчлан парламентын санал хураах гэх мэт үндэсний хэмжээний үйл ажиллагаагаа эхнээс нь эхлүүлэхийг зөвшөөрсөн гэлээ. Гэвч Шинэчлэлийн төлөвлөгөөнд тодорхойгүй зүйл олон байгааг анхааруулсан байна. Тухайлбал, Олон улсын валютын сангийн тэргүүн энэхүү төлөвлөгөөг гол нутгууддаа явуулах бодлого нь нарийн тодорхой биш байна хэмээн шүүмжилжээ. Тиймээс Евробүс төлөвлөгөөг нарийн тодорхой болгож шинэчлэх хүртэл шинэ санхүүжилтүүдийг олгохгүй гэж шийдвэрлэсэн байна.

Дампуурлаа зарласан Грекийн шинэхэн тэргүүн Алексис Ципрас Евробүсээс авах тусламжийн хөтөлбөрийг зургаан сараар сунгах хүсэлтээ өнгөрсөн долоо хоногт тавьсан юм. Гэвч дахиж тусламж авахгүй хэмээн мэдээлж байсан Грекийн хүсэлтийг Евробүс хүлээн авахдаа дөрвөн сар болгож танасан билээ.

Алексис Ципрас Шинэчлэлийн төлөвлөгөөндөө:
- татвараас зугтах явдлыг эрчимтэй бууруулах,
- авлигатай тэмцэх,
- хувьчлагдсан зүйлсийг буцаан авахгүй ч хувьчлахаар яригдаж байсан өмчүүдийг эргэн харах,
- цалингийн доод хэмжээг нэмэгдүүлэх,
- ажилүй хүмүүст эрүүл мэндийн үйлчилгээг үнэгүй хүргэх,
- олон нийтийн секторыг цалинг нэмэгдүүлэх,
- хуримтлалыг бэхжүүлэх замаар тэтгэврийн мөнгөний хадгаламж бий болгох, яамдуудын тоог 16-аас 10 болгож бууруулах гэх мэт арга замуудыг тусгажээ.

Грекийн нийт өр 320 тэрбум евро давсан бөгөөд 240 тэрбум еврогийн тусламжийн хугацаа ирэх бямба гарагт дуусах байсныг 2015 оны зургаадугаар сар хүртэл сунгаж чадсан юм.