НҮБ Йемений экс ерөнхийлөгч Али Абдел Салехиг албан тушаалаа ашиглан их хэмжээний мөнгө хувьдаа шамшигдуулсан тухай мэдээллээ. Түүнийг 33 жилийн турш төрийн эрхэнд байх хугацаандаа авлига авч багадаа 32-60 тэрбум ам.доллар “идсэн” хэмээн үзэж байна. Түүнийг жилд дунджаар хоёр тэрбум ам.долларыг авлигад олж байсныг тогтоожээ.

НҮБ-ын мэргэжилтнүүд өчигдөр НҮБ-ын Аюулгүйн зөвлөлд уг тайланг хүргүүлжээ. Тайланд тэмдэгдэглэснээр Али Абдел Салехи хилийн чанадад багадаа 20 улсад үл хөдлөх томоохон хөрөнгүүдийг эзэмшиж байна.

Персийн булангийн орнуудын хэлэлцээрийн дагуу 2012 онд албан тушаалаас нь огцруулсан Салехигийн хөрөнгийг эргүүлэн татах шийдвэрийг Аюулгүйн зөвлөл өнгөрсөн 11 дүгээр сард гаргасан юм. Энэ ажлын хүрээнд мэргэжилтнүүд түүний өмчийг мөрдөж эхэлсэн аж.

Үүнээс гадна Абдел Али Салехиг Йемений энх тайванд аюул учруулсан хэмээн хар жагсаалтад оруулж байгаа юм. Тэрээр шиа хоутичүүдийг дэмжсэнээр нийслэл Санаа хотыг эзлэгдэхэд хүргэсэн байна.