Афганистаны нийслэл Кабул хотод Туркын элчинг хөнөөх зорилго бүхий террорист халдлага өнөө өглөө гарчээ. Өглөөний замын түгжрэлийн үеэр машиндаа их хэмжээний дэлбэрэх бодис ачсан амиа хорлогч этгээд Туркын элчингийн машинтай ойртон очиж бөмбөг дэлбэлжээ.

    Афганистаны нийслэл Кабул хотод Туркын элчинг хөнөөх зорилго бүхий террорист халдлага өнөө өглөө гарчээ. Өглөөний замын түгжрэлийн үеэр машиндаа их хэмжээний дэлбэрэх бодис ачсан амиа хорлогч этгээд Туркын элчингийн машинтай ойртон очиж бөмбөг дэлбэлжээ.

Дэлбэрлэтээр нэг хүн амиа алдаж, өөр нэг хүн хүнд гэмтсэн байна.
 
Афганистаны Дотоод хэргийн дээд сайд Мохаммед Аюуб Салангийн мэдээлснээр Туркын Элчин сайдын машин дэлбэрэлтэд өртөж эвдэрсэн бөгөөд Элчинг хөнөөх оролдлого байсан гэжээ. Тэрээр “Дэлбэрэлтийн бай нь Туркын элчин сайд байсан бөгөөд жолооч нь дэлбэрэлтэд амиа алдсан” гэсэн байна. Харин Элчин сайдын биеийн байдлын тухай мэдээлээгүй аж.

Энэхүү хэрэгт Талибаны бүлэглэлийг сэжиглэж байна. Энэ бол сүүлийн саруудад нийслэл Кабулд элчин сайдын машинд халдсан хоёр дахь тохиолдол юм. Өнгөрсөн 11 дүгээр сард амиа хорлогч этгээд Британы элчингийн машины ойролцоо бөмбөг дэлбэлсэн билээ.

Д.Идэр