Хэт даврагч “Исламын улс” террорист бүлэглэл барууны барьцаалагчдыг цаазаар авч буй аймшигт бичлэгээ өнгөрсөн онд дэлхий нийтэд үзүүлж байсан. Тэрхүү бичлэг дээр хүний амь хөнөөж, АНУ-д анхааруулга өгч байсан британи аялагатай этгээдийг хэн болохыг мэргэжилтнүүд тогтоосон байна.

Хэт даврагч “Исламын улс” террорист бүлэглэл барууны барьцаалагчдыг цаазаар авч буй аймшигт бичлэгээ өнгөрсөн онд дэлхий нийтэд үзүүлж байсан. Тэрхүү бичлэг дээр хүний амь хөнөөж, АНУ-д анхааруулга өгч байсан британи аялагатай этгээдийг хэн болохыг мэргэжилтнүүд тогтоосон байна.

Бичлэгт Жихад Жон хэмээн өөрийгөө нэрлэж байсан эрэгтэйг Их Британы иргэн Мохаммед Эмвази гэх хүн хэмээн тодорхойлж байгаа юм. Лондонд төвтэй “CAGE” гэх Британы тагнуулын агентлаг энэхүү мэдээллийг олон нийтэд дэлгэсэн байна. Мэргэжилтнүүд бичлэгт гарсан террористын дууны өнгө, нүд, хөмсөг нь Мохаммед Эвазитай яг адил болохыг онцолж байгаа юм. Гэвч бичлэгт Жихад Жон нүүрэндээ баг өмссөн байсан тул 100 хувь итгэлтэй байж чадахгүй байгаа гэлээ.

Хэрвээ Кувэйт гаралтай Мохаммед Эмвази нь Жихад Жон мөн бол тэрээр баруун Лондонд өссөн бөгөөд 2012 онд Сирид аялахаасаа өмнө компьютерийн програмчилалын мэргэжлийг эзэмшсэн аж.

Британы Цагдаагийн газар энэхүү мэдээллийг нягталж байгаа гэлээ. Харин Их Британы Батлан хамгаалахын яам болон Дотоод хэргийн сайдууд мэдээлэл баттай болох хүртэл ямар нэгэн тайлбар хийхгүй гэдгээ мэдээлжээ.

Террорист бүлэглэлийн бичлэгт Жихад Жон нь Америкийн сэтгүүлч Жэймс Фолей, Стевен Сотлофф, Британы тусламжийн ажилтан Дэвид Хайнес болон Аллен Хеннинг мөн Америкийн тусламжийн ажилтан Абдул Рахман Кассиг нарыг хөнөөж буйгаар гардаг. Мөн тэрээр Японы иргэн Харуна Юкава, Кенжи Гото нарыг цаазаар авсан бичлэг дээр хальт үзэгдсэн юм.